1769 – 2019
250 Jahre Ostrhauderfehn
Leeve Osterfehntjers, leeve Lü van Wiet un Siet
Nun dürt dat blot noch sess Maant , un dann fiert Ostrhauderfehn sien tweehunnertfieftigste Gebursdag!
To disse Fierdag word en groot historisch, plattdütske Theaterstück, upföhrt! De bekannte Theaterschriever, Erhard Brüchert, ut Bad Zwischenahn, hett dat Stück schreeven un dat, hemt Erhard Brüchert, Elke Siemers und ik, Andree Winkler, vör twee Jahr, an uns Burmester Günter Harders un an de Gemeen Osterfehn, övergeven!
Dat was aver garnicht so licht, överhaupt en Geschicht´över Osterfehn tostann´ to brengen! Wenn uns Frank Groeneveld, Joachim Feldkamp un Bernd Revens nich mit Begeevnisse ut olle Tieden, up Stapp hulpen harrn, frag ik mi off dat ok wat worden was……!
All vör veer Jahr bünt wi anfangen, disse Begeevnisse in en plattdütske Theaterstück ümtosetten! Dat Stück heet:
„Lü, Lücht und Leevde in Osterfehn“
Un dorüm geiht dat in dat Stück:
„Petroleumabschiedsfest“ in dat Gasthuus Billker in de twintiger Jahren: In Osterfehn word dat elektrische Lücht inföhrt un Anna Pooker fiert hör hunnerste Gebursdag. Dörüm dürt se de erste elektrische Schalter anmaaken!
En büld Lü ut Osterfehn bünt dor üm hör to graleern un Anna kickt up hör Leeven törüüg! Över Hunnert Jahr, mit Striet an de Brummelsbarg un de „Franzosentied“ trecken an hör vörbi. An End van de Gebursdagfier gifft dat en „Happyend“, wor vör över hunnert Jahr kienen mit reekend harr…….!
Mehr will ik an disse Stee ich verraden! Man ens segg ik jo, dat word en Theaterstück wor man noch lang över prooten deit…..!
Wat mi besünners freit is de „Gemeinschaftsproduktion“ in Osterfehn: Wi, de Osterfehntjer Spölkoppel un de „Schützenhusspölers“ tosammen up de Bühn, mit enkelt Lü, de mit uns spölen willn, de uns mit Technik un Musik helpen, Lü, Geschäftslü un de Gemeen Osterfehn, de dat heele Spektakel mit stönen!
Besten Dank an disse Stee!
Andree Winkler
